കുത്തിക്കുറിച്ച കവിതകൾ
ജിഷ്ണുഎം നായർ
രണ്ടാം വർഷ ബി.എസ് സി
ഗണിതശാസ്ത്ര വിദ്യാർത്ഥി.
'അമ്മയാം വിണ്ണിതാ വിതുമ്പുന്നു
എൻ മക്കൾക്കായി ഞാനിതാ ഉരുകുന്നു.
ഉരുകി നിൻ ഉള്ളിൽ ഞാൻ നിറയും '.
'ഓർമയായ് നിന്നു നീ എന്നിൽ
മറവിയായ് മായുകയില്ലിലി
കൂട്ടായ് ,കൂട്ടുകാരിയായ് വന്നു നീ
ഉള്ളിൽ നാമിരുവരും എന്നാളിലും
മറയൂ സഖീ എൻ ഉള്ളിൽ
മറയുന്നു ഞാനുമീ മണ്ണിൽ '.
മയൂരി എം
മൂന്നാം വർഷ ഇൻഡസ്ട്രിയൽ കെമിസ്ട്രി
അവൾ
നിറമുള്ള സ്വപ്നങ്ങൾ നെയ്തവൾ നിഴലിന്റെ പിന്നിലായടിയവെ
നരകം ശമിപ്പിക്കും വേദനയിൽ നെറുകയിൽ തലോടിയതാരിവളെ
ഇടനെഞ്ചിലായിവൾ ഇടനാഴിതീർക്ക വെ ഇരുമെയ്യ നനയാതെ കാക്കുന്നിവൾ ഇലതുന്നി നെയ്തൊരാ സ്വപ്നങ്ങൾ ഈറനണിയിച്ചുനിന്നവളിൽ
ഒരുപാട് നാളായിവൾ വളർത്തുന്ന വനാജ്യോത്സന പോലും പൂവിടാറില്ല പതിരിന്റെ ഭാരംപോൽ ഹൃദയമിനിയും പതറാതിരുന്നതിലാണ് അവളിത്രയും
ഒരു നേർത്ത സ്വപ്നത്തിൻ വാതിലിൽ ഇടതൂർന്നു പുൽകുന്ന മോഹങ്ങളിൽ അവളിൽ ഇഴനെയ്ത് കൂട്ടിയ സ്വപ്നങ്ങളിൽ ഇനിയും ബാക്കിയായി.
സൂര്യ എസ്
ഒന്നാം വർഷ എം .എസ് .സി മാത്സ്
എന്നെന്നും അന്നായിരുന്നെങ്കിൽ ...
എങ്ങുനിന്നോ ഒറ്റക്കുവന്നിതാ...
പിന്നെന്നോ ഒരുകൂട്ടമായ് മാറിതാ...
നൂലിഴയാലൊരാത്മ ബന്ധം..
നീയെന്നോ ഞാനെന്നോയില്ലാതെ
നാമൊന്നായ് മാറിതാ...
ഇന്നിതെന്തിനോ വീണ്ടും ഒറ്റക്കായൊരു
പടിയിറക്കം
ചുമരുകൾ പടവിനോടായി മന്ത്രിക്കുന്നു...
ഓർമ്മയിൽ ചിതറിമാഞ്ഞ മുഖങ്ങളെ ഓരോന്നായി
നെഞ്ചിലേറ്റി...
ഗുരുനാഥനെ മനസ്സിൽ വണങ്ങി...
ഇടനാഴിക്കരികിൽ തെളിയുന്ന നിൻ നിറകണ്ണുകളെ
തിരയുമ്പോൾ തിരിച്ചറിഞ്ഞു ഞാൻ നിന്നിലെ
ആത്മാർത്ഥ സൗഹൃദത്തിനാഴക്കടൽ
നെഞ്ചുവിങ്ങി പടിവാതിലെത്തി ഞാൻ...
പിൻവിളി കേട്ടു തിരിഞ്ഞുനോക്കി... ...
എന്നെന്നും അന്നായിരുന്നെങ്കിൽ....
...
സൂഫിയ എൻ
രണ്ടാം വർഷ ബി .എസ് .സി മാത്സ്
പേറ്റുവേദനയറിഞ്ഞ് ഒരുവൾക്ക് ജന്മംകൊടുക്കണം....
പെണ്ണെന്നാൽ 'തീ'യാണെന്നവളെ
പറഞ്ഞു പഠിപ്പിക്കണം....
സ്വയം എരിഞ്ഞടങ്ങാനല്ല,
കാമവെറിമൂത്ത് അവൾക്ക്നേരെ അമ്പെയ്യുന്ന- കാമക്കണ്ണുകളെ എരിഞ്ഞടക്കാനുള്ള'തീ'ആകേണം
അവളുടെ ചിറകരിയാൻ വരുന്നവരെ
ഒറ്റദൃഷ്ടിയിൽ ദഹിപ്പിക്കേണം....
ഒറ്റയ്ക്ക് പൊരുതാൻ
അവളെ സന്നദ്ധയാക്കേണം...
ഇരുട്ടിനെ ഭയക്കാതെ തന്നുള്ളിലെ
തീയായ് കത്തിജ്വലിക്കേണം...
അശ്ലീലച്ചുവയായ് വരുന്നവനെ
മൂർച്ഛയേറിയ വാക്കാൽ അരിഞ്ഞുകളയേണം...
മതത്തിന് പകരം മനുഷ്യത്വം
പഠിപ്പിക്കണം....
ധീരത ആണിനുമാത്രമല്ലെന്ന്
അവളിലൂടെ ലോകത്തെ അറിയിപ്പിക്കേണം...
വെറും പെണ്ണാണെന്ന് പറയുന്നവരോട്
പെണ്ണാണ്!അഗ്നി!യാണെന്ന്മറുപടികൊടുക്കേണം..
ആ അഗ്നിയിൽ തിന്മകൾ വെന്തെരിയണം...
നന്മകൾ പ്രകാശിക്കേണം...
ജീവനറ്റ് പോയാലും..
"തീ"പാറുന്ന വാക്കായവൾ പുനർജനിക്കേണം!!!
ആതിര ആർ
രണ്ടാം വർഷ ബി.എസ് .സി മാത്സ്
വാസനഗന്ധർവ്വൻ പാരിൽ
പിറന്നപോൽ ആരോ
തൊടുത്തൊരു ഗന്ധം....................
മധുവിൻ നിറകുടം രാവിന്റെ
മന്ത്രം നിറക്കുവാൻ ആരോ
കുടഞ്ഞതാണോ.................?
ഏതോ നിശീതിനി രാവിൽ മറ-
ഞ്ഞിരുന്നാരെയോ തേടുന്ന ഗന്ധമാണോ......................?
ഇടറും മനമുള്ള മാനുഷർ തേ -
ടുന്ന കുളിരും സുഖമുള്ള
ഗന്ധമാണോ....................?
ഏതോ കാഥികൻ ആത്മ സുഖത്തിന്നായി വർണ്ണങ്ങൾ
തേടുന്ന ഗന്ധമാണോ......?
സീമന്തിനീപ്പുഴ ശീൽക്കാരം
നേടുന്ന കളകള നാദത്തിൻ
ഗന്ധമാണോ.................?
ദേഹം തണുക്കുവാൻ ദേഹി
പിടിക്കുന്ന നിസ്വനരാഗത്തിൻ
ഗന്ധമാണോ..................?
ശീതം മാരു തൻ മാറിൽ ഉലയുന്ന ശീതസുഖത്തിന്റെ ഗന്ധമാണോ.................?
പിടയുന്ന നെഞ്ചുമായി പവിഴ
ക്കറയുള്ള സാഗരം പാടുന്ന
ഗന്ധമാണോ.................?
രവികിരണം മേഘവീഥിയിൽ മാറിമറഞ്ഞിരുന്നോതുന്ന
ഗന്ധമാണോ.................?
വേളിപ്പൂവിന്റെ മാറിൽ തുടിക്കുന്ന വീറുള്ള രാവിന്റെ
ഗന്ധമാണോ.................?
പ്രണയം പൂക്കുന്ന പൂമരം ദൂരെ പൂത്തുലഞാടുന്ന
ഗന്ധമാണോ................?
പാറിജാതം പാതിചാരി മയങ്ങിയ പാർവണരാവിന്റെ
ഗന്ധമേത്....................?
അലയും മീനുമായി മിഴിയിണ
തേടുന്ന ഈ സൗഗന്ധികം ഏതു ദേവന്റെയാ...........?
പ്രണയം പകുത്തിടാനാവാതെ
പോയൊരാ പൂവിതൾ തൂവുന്ന
ഗന്ധമാണോ....................?
പ്രണയം മുറിഞ്ഞൊരു സൂര്യന്റ
കാന്തി മനസ്സിൽ വരിഞ്ഞിട്ട
ഗന്ധമാണോ....................?
വിധിയും തകർത്തോരാ പ്രേമി-
യാം ജീവന്റെ പ്രാണൻ പകർ-
ന്നോരാ ഗന്ധമാണോ..........?
മാരിവിൽ പൂവിടാൻ മാന്മിതൂ-
തിയ മാമഴക്കാറി ന്റെ ഗന്ധ -
മാണോ..............?
വർണ്ണമില്ലാത്തൊരി മങ്ങിയ
രാവിനീ പൂമണം പാറിയതാരു
നൂനം................?
തേടിയലഞ്ഞൊരു എൻ മിഴി -
കോണിലായി ശ്വേതവർണ്ണം
മന്ദം തട്ടി നിന്നു...........
നിശയുടെ ഗന്ധം പരത്തുന്ന റാണിയെ എന്റെ കൺപീലികൾ തേരിലേറ്റി. നിലാവിന്റെ വർണ്ണമായി രാവി-
ന്റെ ഗന്ധമായി നിശാഗാന്ധി തൂവുന്ന
ഗന്ധമാണ്...........
നിലാവിന്റെ റാണിതൻ ഗന്ധമാണ്...........
